قصيدة بنت جاها خبر ان حبيبها بيزوج اختها؟؟؟

جاني الخبر ياصاحبي واظلم الكـون

قـدام عينـي ثـم نطقـت الشهـاده

على العموم اقولهـا ألفيـن مليـون

مبروك مـن قلـب شكالـك بعـاده

مبروك ولا يهمك سواليف وظنـون

من عاشـق يهديـك فرحـة فـؤاده

سو الفرح اليـوم وابليـس ملعـون

واللي يشـب النـار يجنـي رمـاده

انا اول العالم على الصالـه يلفـون

واول معازيـم الفـرح والـحـداده

ابشر ابرقص على العـرس بالهـون

وكلـن يعبـر فرحتـه باجتـهـاده

ولو البلا برقصي يقولـون مزيـون

المشكلـه بقلبـن راح يفضـح وداده

يوم العذارى فـي دخولـك يغنـون

وعروستك باحلـى ثوانـي السعـاده

كنـت اتمنـى بدالهـا والله اكــون

واحط انا كفي تحت راسـك وسـاده

واشلون ابكتم صرختي يوم تمشـون

تكفـى خذنـي للعـروس قــلاده

حتى معازيم الفرح قامـوا يمشـون

واصبحت انا وحدي بـدون استفـاده

وطفوا على النور من غيـر يـدرون

قصر الفرح ياقبـر (؟؟؟ ) ومهـاده

وصيتي لو جاك بنت وانا عليك امون

تكفى سمهـا (؟؟؟) قبـل الـولاده ؟


والسموحه منكم

قصيده جميله

مشكورررررررررررررررررررررررر
قصيده في غايه الروعة
تقبل مروري